Kuch Preet Jagat ki Aisi hai, Kuch Reet Jagat ki Aisi hai.......

Aaj din kuch khaas nahi tha. Bas beet gaya. Din bhar pata nahi kitne logo se baat karni padti hai. Kuch khaas hote hai, jinke saath hum khoob baatein karte hai aur kuch aur log hote hai. Aaj kuch aisa hi din tha. Ek dost ne mujhe bore se hone bacha liya.

Barish ka mahina chal raha hai. Aur yaha kuch din bhari barish hui. Phir wahi garm aur umas bhare din shuru ho gaya. Suraj aur badalon mein luca chupi chal rahi thi. Bas aise hi shaam ho gayi. Main Daftar (asaan bhasha mein office) se ghar aya. Socha kuch dosto se baat kar loon. Ab mere dost e-dost ho chuke the. Hari ya lal batti ke saath baat karna padta hai. Yuhi baat karte karte ek dost ne kaha, dekh aaj poonam hai, zara chand to dekh. Maine bhi kaafi din ka Chand per dhyaan nahi diya tha. Socha ke aaj Dekhlu. Jaise hi main apni Balcony mein aya, mano man nirash ho gaya. Laga k mere haq ki cheez kisi ne cheen li. Aaj ehsaas hua k kuch cheeze hamare haq mein hote hue door hoti hai. Jaise maine apni nazarein asmaan ki aur ki, meri chahat aur bad rahi rahi. Nazare ruki aur pata chala k kaali ghatao ne mere Chand ko meri nazaron se ojhal kar diya tha. Par ye dil kaha haar maanne wala tha. Socha ki ek zhoka hawa ka ayega aur in kale badalo ko uda le jayega. Main apne kamre mein aa gaya. Tab laga k yaar....Kuch reet jagat ki aisi hai, Kuch preet jagat ki aisie hai. Hum jo chaahte hai wo hume har baar nahi milta. kya hamari Chaah mein kuch kami hai. Nahi, hum jo chaahte hai wo hume milta hai, parantu wo apne samay per hi milta hai. Jaise mere Chand ke didaar ki khushi, jo mujhe nahi mili. Mujhe pata tha ki ye ghatao ka avrodh sirf shran bhar k liye hai. Ek hawa ka zhoka ayega, badal udenge aur main apne  Chand ko dekh paunga.

Yaaron, isi ek ehsaas ke saath kuch likha hai maine. Meri ek dost ne bhi isme madad ki hai. Isiliye main use bhi Shukriya ada karta hoon. Ye chand ka dedaar use samarpit hai....

Kuch Preet Jagat ki Aisi.. Kuch Reet Jagat ki Aisi....
kali raat ke andhere mein dikhta chand kitna haseen hai

assmaan mein mano chandani pankh felaye hai...
sach hai kuch preet jagat ki aisi hai,
kuch reet jagat ki aisi hai...

Chandni ko kisi ki nazar na lage,
Ghatao ne use apne qaid mein rakha hai,
mano jaise badal apna haq jata raha hai..
par kuch preet jagat ki aisi hai,
kuch reet jagat ki aisi hai...

Chandani per kisi ka haq nahi ,
Roshni kisi qaidi nahi
Chand ko apni chandni si kuch iss kadar mohabbat hai
Mano who janta ho chandni bas uske liye bani hai
Badlon ne toh sikha hai hamesha juda karna
Do pyar karne wallo ka intehaan lena..
Par mohaboat ne kab jana haar maan na
Bas intezar hai uss hawa ke joke ka…
Jo badlo ko uda le jayega…
Kab hui hai dur chandi apne chand se…
ki uska wajood hai apne chand se..

kuch preet jagat ki aisi hai,
kuch reet jagat ki aisi hai...
Zindagi mein hazaron badal chayege,
Qaid karene haseen sapno ko,
Rokege Phankh felane se...
udke asaman chune se

Tum apne guroor ko mat todna,
Apne aapse mooh yoon na moodna.
Kyuki, yehi toh h preet jagat ki,
yehi toh h reet jagat ki ...


Asha Karta hoon ki aap apne Ghuroor ko barqarar rakhoge........



Yash Sharma