Kuch Kahu ya Na kahu......

Dosto...kuch din baat valentine day ane wala hai...

So I am writing something about it. Waise to pyaar karne walo ka din to roz hi hona chahiye lekin khushi ki baat to yeh hai ki uske liye tarikh hai...

So we are waiting for this day to express the feelings otherwise we are very busy people to celebrate it every day...

Dosto..aaj kuch likh raha hoon apke liye

Pyaar hai ya kuch aur, wo to nahi pata par  lagta yoon hai k bas ye lamha yahi tham jaye..

Sabne apni apni zindagi mein kabhi na kabhi pyaar kiya hoga ya wo ehsaas mehsoon kiya hoga. Baat aise hi kuch palo ki hai...

Normally ye sari romeogiri school se chalu hoti hai (sab ki nahi). Akhir kar..yahi to jagah hai jaha hum sabse zyada aur sabse achcha samay beetate the.

Subah Subah school ke liye uthna. Tyaar hona aur time se pehle pahochna...Naaaaa....padhne nahi.

Use dekhne.

Assembly se pehle ankhe gate per tiki hui hoti thi ya cycle k stand per. Zara pata to chale ke bandi ayi hai ya nahi. Agar cycle nahi hai to dil thaam kar, bade bhaari dil se dil ko samjhana "k yaar aane hi wali hogi".

Ye sochte hi cycle stand se gate per nazar padti thi aur wo lamha ruk jaata tha. Waise school dress mein kaun achcha lagta tha, per kya kare...ab yahi hai jo hai.  Uske ane ki khushi itni hoti hai thi ke dosto ki gaaliyaa..assembly ki ghanti kuch nahi sunai deta tha. Dhire dhire class ki taraf uska badna. Wo halki si muskuraahat k saath class me jana aur in sab mein pata hi nahi hota tha k kab apna haath use "hi" bolne mein khada ho gaya.

Tabhi zor se sir per chapet padti hai..dost kamine hi hote hai.

Ab apni seat per baith kar teacher ke X ko dhundne se zyada maza use dhoondne mein ata tha...

Sports mein hero banne mein ab aur man karta tha k saala hum hi ab, aur koi nahi. Kuch to sports quote ka fayda mile, bhale sarkari naukri na ho..

Aur ye silsila chalta rehta tha...

Ek din socha, k Kuch Kahu ya Na Kahu....Bas isi jadd-o-jahad mein samay beet jata hai....

Kuch aapke liye likh raha hoon...

"Wo ehsaas ko kya bayaan karu,
k wo jab nazar ayi,
wo ehsaas ko kya bayaan karu,
k wo jab muskuraye.

Ha roz intezaar kiya karte the unke aane ka,
unki nazar mein apne aap ko pane ka.
Din to kat jaata tha unhe saamne dekh kar,
Bas dar lagta tha raat k ane ka.

Ek din socha keh doon dil ki baat,
Khol doon doo dil k saare raaz,
Bata doon kya hai is dil mein mere,
Jo tarasta rehta hai deedaar ko tere.


Par naa jaane kaha se ye khayal aya....."kuch kahu ya na kahu"....

I think..this feeling is called First Crush...and hope this valentine it converts to love of life.....