Chehak...!!

Dosto....aaj ek haseen pal ke safar per le chalta hoon...

Roz wahi routine...office jana...kaam kaam...fate haal ghar ana..gharwalo ke sawaal,,ek sukoon aur kya chaahe dil...ek sukoon ki khoj mein aankh moond li, neend ko baahon mein bhar liya..

Aaj Subah aankh khuli, dekha ke kaha aa gaya...kuch alag sa ehsaas ho rah tha..uth kar betha, ek maddham si mahek faili thi jo jo pehli barish mein mitti se aati hai...khidki se dhoop ki kiranein chhan ke aa rahi thi...ek chidiya ki chehak...maano kaano mein sitaar ke taar koi ched gaya ho...ek pal to laga ke kahi sapna to nahi....jis sukoon ki umeed kar raha tha...wo ek chehak ke surro mein thi...



Ek chehak jo suni aaj subah maine,
Kuch tha jo ghul gaya kaano mein,
Hawa chali, mehak udi,
Ek yaad thi us mehak mein....

Dil ke roothe taar hil gaye,
Ek madhur swar se saaz chidd gaye,
Bikhre patte pathjhad ke pade the,
Pani ki boond se zinda ho gaye...

Meharbaan hua hai aaj khuda,
Barsaa di aaj saari khudai,
khiza si ho chali thi zindagi,
Maano gulabi si fiza bhar aayi....

Waqt tu ruk jaa yaha,
Thehar jaa is manzar mein,
Jee bhar kar dekhne de mujhe ise,
basa loon ise nighaho mein....