Sawan....!!!

Shuruat ho chuki hai...haa...aaj lagta hai shuruat ho chuki hai...pata nahi kyu sawan itna suhana kyu lagta hai...bhai mujhe to barish isiliye acchi lagti hai kyuki garmi nahi lagti....haa thodi kichad zaroor hoti hai...par chalta hai...kabhi samajh nahi aata ke barish mein log bheegne ke liye daudte hai ya bachne ke liye...par maza bohot aata hai.....mano jaise suke se pal mein jaan bhar di ho.... desi bhasha mein...CATALYST...



Nami thi un badalo mein aaj,
Shayad kisi ki khushi thi unhe aaj,
Kehne ko the kuch kisi se,
Aur wo baras hi pade....

Wo milan aaj dekha humne,
Wo udi khusboo gagan mein,
Boondon se shuru hue,
Aur wo baras hi pade....


Ankhein bandh ki aur mehsoos kiya,
Aur Samet liya wo pal humne,
Baalon se tapak rahi thi boondein,
Mano Shabnam saji ho phoolon mein....

Alhad si jhoom rahi thi tum,
Lehra rahi thi anchal tum,
Bas dekhe jaa raha tha main,
Ek Qayamat dhaa rahi thi barish mein tum.....

Kya khoob barse badal,
Ek sukoon mila mujhe
Bahut Intezaar kiya maine,
Aj miti hai trishna meri...