Tasveerein....!!!

Tangi thi deewaron per kuch tasveerein...
Baatein kar rahi ho mujhse jaise,
Yaadein chan se kaano mein giri ho,
The kuch pal jeeye humne wo....

Shayad kuch keh rahi thi mujhse,
Meri hi kahani ka aagaz tha wo,
Beetein lamho ka ek chalchitra chha gaya,
Haa...wo pal bhi tha , ab yaad aa gaya....

Lehrein daud padi ho zehan mein,
kuch log bhi the safar mein,
Haath thame aage le chale wo,
Chal bhi diye hum jaha le chale wo,

Daastan banti gayi,
Carvaan lagta gaya,
Kuch saath hai mere,
Kuch the, ab hai Tasveeron mein mere...

Badi ajeeb hai ye Tasveerein,
Yaadon ka pitara khol deti hai,
Badi mushkil se bhoole the wo pal,
Kambakht ne yaad dila diye sab....

Chalo, ek aur tasveer bana loon mein,
Ek pal aur jod loon ab mein,
Kahenge ye kahani bhi kabhi,
Jab dekhenge ye tasveerein kabhi......