Alvida....ek Shraddhanjali...

Aaj kuch lafz nahi hai kehne ko. Ek ajeeb se manzar dekha. Aaj us khuda ki taqat dekhi, jiske saamne manav, chaahe kitna hi bada kyu na ho, ko lachar paya hai. Aaj mere ek aziz ne apne ek aziz ko kho diya, hamesha ke liye. Hum chaahe kitna bhi karle, chaahe kitni bhi koshish karle, agar khuda nahi chahega to wo kabh nahi hoga. Aaj kuch aise samay ka shakshi bana tha main. Jab koi is duniya mein ata hai tab wo rota hai, shor hota hai, harsholass hota hai, parantu jab wo jata hai to ek antheen khaalipan aa jata hai jeevan mein, ek chubhti hui khamoshi chhaa jaati hai aur duniya roti hai aur jaanewala chup hota hai.

Zyada nahi, bas kuch hi pankhtiyaa likhi hai.....meri choti si shraddhanjali.........
.
.
.
.
"Ek safed Dhuan Aaj dekha,
Us dhue se ankho ko jalte hue dekha,
Aaj wo jalan ankhon mein nahi,
Aaj wo dhua se pareshani nahi...
Aaj ankhein taak rahi thi lakdi ki taraf,
Lakdi mein jal rahe Uss shav ki taraf
Ankhon se beh rahe ansu dekhe,
Ansuo mein bhehti bhavane dekhi...
Ek Safed Dhuan aaj dekha.........
 
Kisi apne ke jaane ka gum dekha,
Sharir ke juda hota hua ang dekha,
Dil mein umad raha sailaab hai,
aur hotho paar sannata hai,
Apne aur parayo ko saath dekha,
Kuch Dost aur Anjano ko Saath dekha,
Aag aur tez ho gayi, aur sharir vileen ho gya
ek manav ka Narayan tak jaane ka safar dekha............"

Ishwar Unki Atma ko Shanti de..............