Ufff ye Barsaat.......

Pyaar ek aisi cheez hai, jo shabdo mein bayaan nahi kar sakte. Aur iss per agar aapka someone special dikh jaye,...to kya baat hai. Aur gazab ki baat to tab hai jab wo barish mein bhigte aye aur apki ankhon k samne khade ho jaye.

Dil to chahta hai k wo pal ruk jaye, wahi tham jaye aur hum iss pal to jee bhar kar nihaar le.

Jee haa doston. Baarish ke mausam ko log aiese hi nahi pyaar ka mausam kehte.....kuch to baat hoti hai...
.
.
.

"Aaj is sawan ne hamara saath nibhaya,
apna neer hum per barsaya,
yaad aa gaya koi aur aa gayi ankhon mein nami,
iss sawan ne hamare ansuon ko chupaya....

Yaad hai aaj bhi wo bheega badan,
Wo ayi thi thartharate hue,
Geele baal aur kaapte hoth,
Aur halki si ye pawan....
jee to chaah raha tha ke dekhta rahoo,
samet loo wo tasveer apni ankho mein,
Uska ye kehna ke kya dekh rahe ho,
mano jaise shehed ghola ho mere kaano mein.
phir uska nazare zhukana aur yoo sharmana,
hum to kho hi gaye un nazaron mein,
geele balon se wo tapak ti boondein,
mano moti chupaye hai apne baalon mein..
uska anchal uda rahe the hawa ke zhonke,
jaad-o-jehad chal rahi thi use thamne mein...
Hum to kho hi gaye k kya bataye aapko,
ye kaise rumaniyat thi unki adaao mein......"

.
.

Ufff..ye barish........

Yash Sharma