Kash-ma-Kashh

"Zindagi, kaisi hai paheli haye,..Kabhi to hasaye, kabhi ye rulaye.." ye gana aaj mujhe bahut yaad aa raha hai. Kabhi ye hasalti hai, kabhi rulati hai.

Aaj ek aur pehlu dekha iska. Ye zaruri nahi jo hum soche wo har baar aisa hi ho, ya aisa hi dikhe. Anginat log, anginat zindagiyaa aur anginat kisse. Hum ye sochte hai ki zindagi aisi honi chaiye, waisi honi chahiye. Shayad ye meri zindagi main hota/hoti to achcha hota ya nahi hota to achcha hota.

Isi Kashmakash mein jiye jaate hai aur un lamho ko bhula dete hai jo humne hamare apno ke saath bitaye, wo haseen, pyaari yaadein jo unke saat sanjokar rakhi hai. Hume kya khoya, kya paya, inhi Ganit (MATH) me uljhe rehte hai aur apne anewale pan aur iss pal mein jehar ghol dete hai. Hume garv hona chahiye
jo paaya hai aur sukoon hona chahiye jinke saath ya jinke liye paaya hai.

Rishtey bante hai, bigad te hai. Par rishtey anmol hote hai. Kya hume aisa lagta hai ki koi apna saath nahi hai, aaspass nahi hai. Kyu ek becheni hai ya ek dar hai. Hamari zindagi hamari hai, par koi aur bhi shamil hai iss safar mein. Koi aur bhi hai jo ye soch raha hai ke hum unki zindagi mein khushiya bhar denge, ek ass lagaye baitha hai, ek umeed lagaye baitha hai k hum unhe ek nayi zindagi denge. Dosto...aur isme koi ranj ya glaani nahi hai.

Ye duniya train ke safar jaisi hai. Log apne manzil per pahuchne ke liye iska sahara lete hai. Koi log ate hai, aur kitne hi jaate hai. Hum kuch rishtey banate hai aur ye safar haste haste, khushi se kaat te hai.


Sirf ek Kash-ma-kash hai jo hume jinda rakhti hai......


"Kuch chahti hai zindagi mujhse,
Aur kuch main zindagi se,
Pehal kaun kare....

Kuch khwahishe hai meri,
manzil per pahuchne ke liye iska sahara lete hai. Koi log ate hai, aur kitne hi jaate hai. Hum kuch rishtey banate hai aur ye safar haste haste, khushi se kaat te hai.
Aur kuch zindagi ki mujhse,
Pehal kaun kare...

Jeeye jaa rahe hai issi kash-ma-kash mein,
Ke pehal kaun kare....

Chalo pehal hum kare,
Ek Shuruat hum kare,
Phir sochu ke main hi kyu,
To pehal kaun kare....

Waqt kat ta raha aur aage bad gaya,
Reh gaye wo lamhe, wo yaadein,
Aur hum sochte reh gaye
Ke pehla kaun Kare

Ek din mud kar dekha,
Zindagi ko haste hue dekha,
Paya sab kuch ankho ke samne,
Diya Zindagi ne sabkuch mere samne...."

Sirf Kash-ma-kash thi .......