Yaadein.....

Naa....Subhash Ghai wali to bilkul nahi.....zara bhi nahi....

Kuch to tha jo mujhe aaj bhi yaad hai. Bhale kitna bhi bhoolane ki koshish kyu na karu.....
Aisa nahi hai ki main ek akela hoon jiske saath ye sab hota hai. Aur bhi to dhakkan honge. First time wala hota hai na..jise kehte hai "Love at first sight", saala aaj tak kisi k saath hote hue nahi dekha. Soch raha hoon k wo kaun tha jo ye phrase le kar aya tha. Khud to settle ho gaya hoga, per dusro ko dukhi kar gaya (just like our history books, we learn the things that we don't want to use/experience in reality).

Isi chakkar mein log first time k baad second time koshish nahi karte. Ya to karte honge to by reading "Precautionary Note" on the label.

Chalo, ab yaad aa gaya to chand line likh hi dete hai..........

Kuch yaad aa gya,
Bhoolaa tha jo main kabhi,
Ek ehsaas,
Jo hua tha kabhi....

Dil tha mera kuch khwahisho se bhara,
Kisi ke armano se bhara,
Socha tha yahi hai zindagi,
jo milegi kabhi.....

Maloom na tha kismat ka khel,
Karayegi kisi aur manzil se mel,
Khwaab tutege safar mein,
Jo dekhe the khuli ankho se kabhi,

Sukhe patto sa bikhar gaya tha main,
Tea hawa o se udd raha tha main,
KHoj raha tha naye wajood ko mein,
Jo astitva tha kabhi...

Samay beeta aur aage chala,
Ped per naye patto sa khilaa,
Apna liya tha main wo Sach,
Jo lagta tha jhoot kabhi....

Ab jee rahe hai un khwahisho mein,
Milege safar mein kisi aur se,
Jeelenge unke saath wo zindagi,
Jo sochi thi kahi kabhi....


Life goes onnn.........its the memories which rewinds