Saraab ya Fitoor

Now this is new thing started with me. Saraab hai ya fitoor.

Jisse main mooh mod kar bhaag raha tha wahi tammana phir se jaag rahi hai. Yaar aisa kyu hota hai. Dimaag ka dahi ho gaya hai. Par raha bhi to nahi jaata. Yaar kya mazak chal raha hai mere saath, koi idea nahi aa raha.

Ha..soch rahe hoge ke bada urdu wala title diya hai aur content me dhang ki hindi bhi nahi hai. Are yaar, jo soch hai wahi to likhunga, ab iske liye Faculty of Literature thodi joint karunga ya M.A. Hindi mein thodi karunga.

Par yeh bhi sahi hai ki ek kash-ma-kash mein jee raha hu. Wo chehra hi kuch aisa hai ke aur kuch sujhta bhi nahi hai.

Ajeeb si kash-ma-kash hai,

Saraab hai ya Fitoor hai,
Samjhau to kya iss Dil ko,
Kambakht dil bhi majboor hai..

Kabhi Sochu ke keh du,
Kabhi Sochu ke Kya kahu,
Kabhi Sochu Anjaam,
Yaaron.... dil bhi hai Pareshan...

Wo Chehra saamne aa jata hai,
Kuch Bol rahi ho ankhein jaise,
Muskaan khili hai lab per uske,
Noor Baras raha Rukh se Jaise...

Ek shor macha hai dil mein mere,
Bechain kar raha hai dil ko mere,
Tassavvur chaya hai uska dil per,
Bekas pade hai lab mere...


Ek dar bhi hai iss dil mein kahi,
Ekhtiyaar kiye hu Jasbaat
kahi,
Mukhtasar na ho jaye saath tera,
Chale na jao chod kar kahi.....

Ajeeb si kash-ma-kash hai,
Saraab hai ya fitoor hai.........