Trishna...!!!!

Barish....jis mausam ka intezar tha WO aa hi gaya....aisa lagta  hai ek naya jeevan shuru ho raha hai...ek lambi trishna ka ant. 

Na jaane kitne jeevan mein ye ek lambe intezar ke khatam hone ka paigan laati hai...

Garm  hawao mein ek thehrav aa jata hai aur thandi pawan uski jagah le leti hai...sab kuch acha lagta hai...shayad isiliye ise  pyaar ka mausam kehte hai...to isi  baat kuch arz karta hu......

"Jhoom kar ayi ye kaali Ghata,

Laya  badal neeer  saath apne,

JAL rahi thi Dhara kab se

Laya thandi pawan saath apne...

Tadap rahi thi trishna se dharti,

Arziyaa sun li khuda ne uski,

Barsa ne ko hai JAL ye ghata,

Ab bhujne ko hai trishna uski..

Ankhein tak rahi asmaan ko,

Kaale badal dhund rahi thi nazre uski,

Barasne laga pani bijo per,

Ye dekh aankhein nam ho gayi uski...

Tez hawao mein udh raha anchal uska,

Bheegi lato se beh rahi bunde  us per,

Dil mein ek tamanna si jagi,

Ke vaar du  zamana us manzar per...

Kuch bund giri nanhe haathon mein,

gunj uthi kilkaari galiyon mein,

Nange paav daud pade  sab,

Pehli barsaat Jo hai is sawan mein...

Man kar raha ke baithu khidki ke pass,

Aur bharlu ye nazara ankho mein,

Tum bethi hoti saath mere,

Aur tak ta rehta tumhe in baucharo mein.....

Trishna yahi thi.....Jo aaj bhuj gayi...

Happy monsoon...!!!!